قالك واحد السيد فوت البارمي(رخصة السياقة) 5 سنين وو ماربحوش
أيا ingénieur تاع البارميات كره من هذا السيد
قالو أنت ما تربحش . أربح يا صاحبي
بلايك ما تعرفش. حتى حاجة ما تعرفها
قالو شوف هذه المرة اللي تفوت فيها نعطيك غير سؤال ساهل برك
باش نعاونك
راحو ركبو في اللوطو
السيد راه يسوق في اللوطو حتى دخلو في حدورة ( طريق منحدرة )
قالو ingénieur : نعطيك سؤال
إيماجيني (imaginé ) لوكان راحولك (فقدت) في هاذي الحدورة الفرانات ( الفرامل)
وكاين على la gauche إنسان يمشي و على la droite كاين عرس ( حفل زفاف)
وين تهرب أنت باللوطو ؟
رد عليه السيد : راهي باينة نهرب على la gauche
قالو ingénieur : وعلاه ؟
رد عليه السيد : كاين غير واحد باش ما نديرش كارثة
قالو ingénieur : صايي بصحتك هاك البارمي ما تزيدش تولي عندي
كره منو ههههههههه
ايا السيد راح وممبعد 3 أشهر شرى (اشترى) اللوطو (السيارة)
وكان في حدورة اللي حكالو عليهاL' ingénieur
إنسان على la gauche و عرس على la droite
و يطراسي (راح) على la droite واصتطدم بالعرس
دار كارثة
الحادثة فيها الموتى - المصابين - اللي طلعلو السكر - العروسة أداوها للكومة
كارثة كبيرة دارها
وهذه الحادثة نشروها في الجرائد
حتى قرأ L'ingénieur إسم هذاك السيد اللي فوت عندو البارمي في الجورنال ( جريدة )
في هاذيك اللحظة . ingénieur دهش وو ركباتو الخلعة
ingénieur راح عند السيد للسبيطار ( المستشفى )
قال للسيد : أحكلي واش صرالك يا صاجبي
رد السيد : أنا ربحت البارمي على هاذيك الحالة اللي تذكرتهالي
وعاودت تكرتلي ( تكررت)
قال ingénieur : بصح واش صرالك قلتلي نمشي على la gauche كاين غير واحد
علاش روحت للعرس
قال السيد : قالو لا أنا مشيت على la gauche
أيا هذاك الإنسان هربلي على la droite
وأنا لحقتو باللوطو على la droite حتى صبت روحي
صدمت بالعرس
هههههههه هربلو
اتمنى أن تنال إعجابكم